Ka filluar aksioni për sanimin dhe mbushjen e gropave goditëse nëpër rrugët lokale të Gostivarit. Aksioni nisi nga rruga Beliçica dhe realizohet nga Ndërmarrja Publike “Komunalec”, me punëtoret dhe pajisjet e vetë ndërmarrjes. 

Për të pa nga afër punët për rregullimin e rrugëve, në terren ishte edhe vet kryetari i Komunës së Gostivarit, Nevzat Bejta i shoqëruar edhe nga drejtori i NP “Komunalec”, Memedali Xhaferi. 

Kryetari Bejta tha se gjatë katër viteve të shkuara mbushja e gropave është bërë sa për sy e faqe dhe në vend të asfaltit janë shtruar pllaka bekatoni, me çka edhe reagimi i qytetarëve ka qenë i madh.

Gostivar, 6 Qershor 2013

U promovua edhe makina e katërt e blerë me mjete nga kredia e Bankës Botërore. Bëhet fjalë për një ekskavator të madh të cilin Ndërmarrja Publike “Komunalec” do ta përdor për hapjen dhe mirëmbajtjen e kanaleve dhe për shumë punët tjera infrastrukturore.

Promovimin e ekskavatorit e bëri kryetari i Komunës së Gostivarit, Nevzat Bejta dhe  ia dorëzoi çelësat drejtorit të Ndërmarrjes Publike “Komunalec”, Memedali Xhaferi.

“Sot e promovojmë ekskavatorin që e kemi blerë me mjetet e Bankës Botërore dhe ky është mjeti i fundit nga kjo kredi. Besoj se ekskavatori do i shërbeje ndërmarrjes “Komunalec”, për ti kryer punët publike në interes të gjithëve qytetarëve.